सापुतारा

सापुतारा हे गुजरातमधील एक थंड हवेचे ठिकाण. निसर्ग सौदर्यांने संपन्न असलेल्या या पर्यटनस्थळाला दिवसेंदिवस पर्यट्कांच्या ओघ वाढतॊ आहे. सापुतारा हे ठिकाण गुजरात मधल्या डांग जिल्ह्यात आहे. महाराष्ट्र आणि गुजरात सिमेवर असणारे हे ठिकाण नाशिक पासून अवघ्या ८० किलो अंतरावर मीटर वर आहे. 

सापुतारा

सापुतारा हे गुजरातमधील एक थंड हवेचे ठिकाण. निसर्ग सौदर्यांने संपन्न असलेल्या या पर्यटनस्थळाला दिवसेंदिवस पर्यट्कांच्या ओघ वाढतॊ आहे. सापुतारा हे ठिकाण गुजरात मधल्या डांग जिल्ह्यात आहे. महाराष्ट्र आणि गुजरात सिमेवर असणारे हे ठिकाण नाशिक पासून अवघ्या ८० किलो अंतरावर मीटर वर आहे. 

गुजरात मधल्या डांग जिल्ह्यातलं आदिवासी वस्ती असलेलं सापुतारा हे गाव होतं. परंतू सापुतार्‍यातील पर्यटनाच्या विकासाठी इथली आदिवासी वस्ती नजीकच्याच जागेत विस्थापीत करण्याता आली. कुणबी, भिल्ल, वारली जमातीचे आदिवासी इथं वास्तव्य करून आहेत. या लोकांची स्थानिक भाषा डांग आहे. इथं अनेक प्रेक्षणीय ठिकाणं आहेत. त्यापैकी सापुतारा तलाव हा तर सापुताऱ्याचा मुकुटमणीच म्हणावा लागेल. याशिवाय स्टेप गार्डन, रोज गार्डन, सनसेट पोईटं, पुष्कर रोप वे अशी इथं असलेली अनेक ठिकाणं पर्यटकांचे आकर्षण ठरली आहेत.

या पर्यटन स्थळाचा विकास करण्यासाठी विशेष उपक्रम गुजरात टुरिझम कडून राबवले जातात.सापुतारा मान्सून फेस्टिवल हा त्याचाच एक भाग, हिरवाई, सहयाद्रीच्या पर्वत रांगा, वनसंपदा, आदिवासी संस्कृती याबरोबरच सापुतारा मान्सून फेस्टिवल म्हणजे प्रेक्षकंसाठी मोठी पर्वणीच असते. दरवर्षी ऑगस्ट ते सप्टेंबर महिन्यांत फेस्टिवल आयोजित केला जातो. या महोत्सवात आदिवासी संस्कॄती, संगीत, नृत्य, कलाकूसर, खाद्य संस्कृती तसेच साहसी पर्यटनाचा आंनद घेता येतो. मान्सून फेस्टिवल मुळे सापुताराच्या संस्कृतीशी एकरुप होण्याची संधी पर्यटकांना उपलब्ध झाली आहे. याबरोबरच वन पर्यटनाचा आनंद ही लुटता येतो. मनसोक्त फिरल्यानंतर पोटपुजा ही हवी त्यासाठीच इथे फुड कोर्ट तयार करण्यात आला आहे. इथं गुजराती पक्वान्ना बरोबरच आदिवासी खाद्य पदार्थावर ही ताव मारता येतो.

क्राफ्ट व्हिलेज म्हणजे कलाकारांचं खेडं. इथं पर्यटक स्थानिक कलाकुसर बघू शकतात आणि खरेदीचा आनंद ही लुटू शकतात. बांबू पासुन बनवल्या जाणार्‍या विविध कलाकूसरीच्या वस्तू या बाजारात विक्री साठी ठेवण्यात येतात. इथं फोटो गॅलरी ही आहे यात गुजरात मधल्या अनेक पर्यटन स्थळांचे फोटोज बघयाला मिळतात. सापुताराचे मुख्य वैशिष्ट्य म्हणजे इथं असलेले साहसी खेळ. थ्रिल अनुभवयाला आवडणाऱ्या पर्यटकांसाठी Rock climbing, Paraselling, Zorbing, Water sport, Quad biking, High rope हे क्रिडा प्रकार पर्वणीच आहे. रोप वे ने सापुताराच्या एका कडयावरुन दुस-या कडयावरचा प्रवास चित्तथरारक वाटतो. याशिवाय बोट कल्बला बोटिंग ही करता येते. सापुतारा मधल्या आदिवासी संस्कृतीला कुठेही धक्क न लावता गुजरात टुरिझमने सापुताराचा केलेला विकास उल्लेखनीय आहे. आउटिंग साठी सापुतारा स्वस्त आणि मस्त पर्याय आहे.

कसे जाल?

नाशिक पासून सापुतारा ८० किलो मीटर आहे.
नाशिकहून दिंडोरी – वणी- बोरगाव मार्गे २ तासात पोहचता येते.
नाशिक पासून बससेवा तसेच खाजगी वाहानांची सोय उपलब्ध आहे.

तापमान?

उन्हाळ्यात येथे २०° ते ३०° सेल्सियस
हिवाळ्यात ते ९° ते २०° सेल्सियस

केव्हा जाल?

अत्यंत निसर्गरम्य ठिकाण आणि उत्तम पॅनोरॅमिक व्हू साइट्‍स असल्याने वर्षभरात पर्यटक ‍‍तिथे खूप मोठ्या संख्येने भेट देत असतात. उन्हाळा असो, थंडीचे दिवस असो किंवा अगदी पावसाळा, प्रत्येक सीझनमध्ये पर्यटकांसाठी पर्वणीच असते.

काय पहाल?

सापुतारा लेक नागेश्वर मंदिर, व्हॅली पॉइंट, जैन मंदिर, रोज गार्डन, स्टेप गार्डन, पुष्कर रोप वे, आर्टिस्ट व्हिलेज, सनसेट पॉइंट, म्युझियम इ.

राहण्याची सोय?

पर्यटनाला जाताना बजेट हा मुद्दा असतोच. सापुतार्‍यात उच्च तसेच मध्यम दर्जाची हॉटेल्स आहेत. याशिवाय गुजरात टुरिझमचे विश्रामगृह हा सुध्दा एक रास्त पर्याय आहे. शिवाय हे विश्रामगृह सापुतारा बस स्थानकाच्या बाजूलाच आहे.